Араға ай салып ең мықты ұжымдардың басын қосқан Чемпиондар лигасының 3 тур ойындары 21-22 қазан күндері өтеді. Сейсенбі күні E,F,G және H тобындағы клубтар өзара кездесулер өткізеді.
Айтулы матчтардың бірі деп Рома мен Бавария, Барселона мен Аякс, Порту мен Атлетик және ЦСКА мен Манчестер Сити арасындағы ойындарды айтсақ болады. Еліміздегі Чемпиондар лигасының матчтарын беруге құқылы арнадан Рома мен Бавария арасындағы ойынды сейсенбі күні түнауа 00:30-да көре аласыздар. Ал сәрсенбі күні A,B,C және D тобындағы айтулы клубтар бық сынайды. Бірнеше жылдан бері Чемпиондар лигасынан тыс қалып келген Ливерпуль «Энфилд Роудта» биылғы Чемпиондар лигасының жеңімпазы Мадридтік Реалды қабылдайды. Бұл ойынды 00.30-да қазақстандық жанкүйерлер тікелей эфирде көруе мүмкіндігі бар. Одан бөлек Түркияның Галатасарайы Германияның Дортмундын қабылдайды. Монако мен Бенфика, Андерлехт және Арсенал арасындағы тартыс қызықты болатынына күмән жоқ.
