"Барселона" "Лионның" 26 жастағы голландиялық шабуылшысы Мемфис Депайды сатып алуға жақын, деп хабарлайды De Telegraaf.
Дереккөздің хабарлауынша, Депай отандасы Рональд Куманмен қайта қосылғысы келеді. "Барселона" басшылығы осы аптада келісімді ресми түрде растап, Депайды сатып алады деп күтілуде.
Шабуылшы «Лионмен» 2017 жылы келісімшартқа отырған және қазіргі келісім 2020/2021 маусымының соңында аяқталады. Ойыншының трансферлік құны 30 миллион еуроны құрайды деп хабарланды.
Өткен маусымда 26 жастағы футболшы «Лион» сапында барлық турнирлерде 22 ойын өткізіп, 15 гол соғып, 2 нәтижелі пас берген. Ал 2020/2021 маусымда шабуылшы "Лион" үшін бір матч өткізіп, хет-трик жасап, сары қағаз алды.
Өз кезегінде «Барселонаның» 33 жастағы шабуылшысы Луис Суарес келісімшарт жағдайына байланысты клуб басшылығымен шиеленіскен қақтығыс салдарынан бүкіл маусымды қосалқы құрамда өткізуі мүмкін, деп хабарлайды ESPN.
Егер Суарес пен "Барселона" келісімшартты бұза алмаса, клуб келісімшарттың қалған кезеңінде Суаресті шетте қалдыруға дайын, дегенмен бұл мәселеде Рональд Куман соңғы шешімді шығаратын болады. Бұл жағдайда ойыншыға қазіргі келісімшарт бойынша жалақы толық төленеді.
«Ювентусқа» тағы бір маусым күтуге тура келеді. Осы айдың басында әртүрлі ақпарат көздері Суарестің Италиялық командаға қосылуға келіскенін хабарлады, бірақ оған дейін кейбір детальдарды пысықтау керек болды.
Суарес «Барселона» сапында 2014 жылдан бері ойнап келеді. 2019/2020 маусымда уругвайлық форвард клубтық деңгейдегі барлық турнирлерде 36 матчқа қатысып, 21 гол соғып, 10 нәтижелі пас берді. 2007 жылдан бастап Суарес Уругвай құрамасына шақыртылып келеді.
