"Ротордың" қазақстандық қорғаушысы Дмитрий Шомко Ресей Премьер-лигасының 20-туры аясында "Тамбовқа" қарсы өткен ойын (3:1) туралы пікір білдірді:
- Жақсы матч. Жанкүйерлерсіз ойнағанымыз бізге кедергі болды деп ойлаймын. Бұл әрқашан ойынға аздап әсер етеді. Менің ойымша, егер біз жанкүйерлермен ойнаған болсақ, эмоциялар мен гол соғатын мүмкіндіктер көбірек болар еді. Алаң бізге мәселе тудырды, бірақ бұл біз үшін де, қарсылас үшін де бірдей болды. Менің ойымша, біз жаттықтырушы талап еткен барлық нәрсені жасай білдік.
Бірінші таймда біз бір жерде сәл нашар ойнадық - сол себепті гол жіберіп алдық. Бірақ екінші таймда біз негізінен жаттықтырушының айтқанын толықтай орындадық. Ойын барысын өзгерттік, өз мүмкіндігімізді пайдаландық. Екінші таймда біз қарсы шабуыл жасау арқылы көптеген мүмкіндіктер жасадық - тек бұл шабуылдарды сәтті аяқтай алмадық. Үзілістен кейінгі алғашқы ресми ойын болғандықтан біз аздап уайымдадық.
Біз 90 минут бойы жақсы ойнадық, бірақ мүмкіндіктерді голға айналдыра алмадық. Бірінші таймда гол соғуға мүмкіндік көп болды. Осы сәттер бойынша жұмыс істейтін боламыз. Ойын біздің ойнағымыз келетінін және сол бағытта жалғастыруға лайық екенімізді көрсетті. Біздің бәріміздің алдымызда қандай міндет тұрғанын білесіздер - Премьер-лигада қалу. Құдай қаласа, бәрі жақсы аяқталып, біз тапсырманы орындаймыз.
