"Челсидің" бас бапкері Фрэнк Лэмпард өзінің клубтан кетуі туралы қауесеттерге түсініктеме берді.
"Адамдар мені бапкер болғанына екі жарым жыл ғана болды деп ойлағысы келсе де, мен өз ісіме өте сенімдімін. Мен жүруді үйренген бойда футбол ойнай бастадым. Және жиырма жылдан астам уақыт бойы кәсіби түрде өнер көрсеттім және қазір де сол жылдардағыдай көп нәрсені жасауға тырысамын.
Мен ұтылғанды ұнатпаймын. Дүйсенбі күні қатты ренжідім, өйткені біз сол күні жақсы ойнаған командадан жеңіліп қалдық. Сейсенбіде ояндым және алға жылжуымыз керек деген тұжырымға келдім. Менің бұл жағдайға деген көзқарасым осындай.
Егер мен бұл қиындықты жеңе алмасам, теледидар маманы болып, жұмысымды жеңілдете алар едім. Өзгелер істеп жатқан нәрсеге әртүрлі пікір білдіретін сарапшы бола аламын. Бірақ мұны жасағым келмейді. Болып жатқан жағдайдың бәріне араласқым келмейді. Мен қазір "Моркамен" болатын кездесуге дайындық туралы ғана ойлаймын", - деді Лэмпард The Guardian басылымына берген сұқбатында.
"Челси" ертең, 10 қаңтарда "Моркам" клубымен кездесетін болады. Матч Нұр-Сұлтан уақытымен 19:30-да басталады.
Біздің серіктес: FONBET
