Сергей Малый Қазақстан құрамасының сапында
Қазақстан құрамасы мен Шымкенттік «Ордабасының» қорғаушысы Сергей Малый «Интер» ойыншысы Франческо Ачербидің «Барселонаға» соққан голына қатысты пікір білдірді.
Дәлірек айтсақ, шымкенттік клубтың 34 жастағы футболшысы Instagram-дағы Stories-те Қазақстан футболында жасқа байланысты сын көп айтылатынын тілге тиек еткен болатын. Айта кетейік, Чемпиондар лигасының жартылай финалында «Интер» өз алаңында «Барселонаны» қабылдап, алаң иелері қосымша уақытта 4:3 есебімен жеңіске жеткен. Бұл жеңіс италиялық ұжымға турнирдің финалына өтуге мүмкіндік берді. Ал клубтың жеңіске жетуіне үлес қосқандардың бірі 37 жастағы Франческо Ачерби. Қорғаушының 90+3 минутта соққан голы алаң иелерінің жеңілістен құтқарып, матчтың экстра-таймға жалғасуына түрткі болды.
«Неліктен Италияда жасы үлкен футболшыларға қатысты сыни көзқарас жоқ?» – деген сауал тастады Сергей Малый.
Сергей Малый 2013-жылдан бері ҚПЛ-да өнер көрсетеді. Украина жерінде дүниеге келген футболшы 2014-тен бері Қазақстан құрамасының намысын қорғауда.
Біздің серіктес: FONBET
