"Реал Мадрид" шабуылшысы Карим Бензема Чемпиондар Лигасының топтық кезеңінде "Шерифпен" болған ойынның 65-минутында пенальтиден гол соқты.
Осылайша француз футболшысы еуропалық турнирде жаңа рекорд орнатты. Бензема Чемпиондар лигасының 17 маусымында гол соққан алғашқы футболшы атанды.
Параллель өтіп жатқан ПСЖ - "Манчестер Сити" матчында бұл жетістікті қайталайтын адам табылды. Ойынның 74-минутында көзге түскен Лионель Месси тарихқа аталмыш турнирдің 17 маусымында гол соққан екінші футболшы ретінде енді.
