«Қыран» футбол командасы осыдан үш жыл бұрын құрылды. Бірінші лига командалары арасындағы ел біріншілігінде сынға түсіп, алғашқы ондықтан көрініп жүрді. Алайда биыл үш жыл бойы төгілген тер мен жинақтаған тәжірибе өз жемісін беріп отыр. 2014 жылғы маусымның бірінші айналымының мәресіне жерлестеріміз турнирлік кестеде бірінші орында тұрған «Каспий» командасымен бірге жетті. Бүгінде «Қыранның» қоржынында 31 ұпай бар.
Маусым басында Амерби Динаевтың шәкірттерінің алдына нақты жоспар қойылмаған болатын. Алайда соның өзінде «қырандықтар» алтын медальға таласуда. Бүгінде команда құрамы екі футболшымен толыққан. Футболшылардың барлығы — шымкенттік ойыншылар. Олардың арасынан ең жасы — Тәукехан Абдубайыт. Шабуылшы — 18 жаста.
Команда құрамы жыл сайын бір-екі жас футболшымен толығып отырады. Олар: 1993 жылы дүниеге келген Дастан Нақыпбеков пен 1989 жылғы Ілияс Әмірсейітов. Қос футболшы да жасыл алаңға қорғаушы ретінде шығады.
Биыл команда құрамы голландиялық қазақ Мұрат Оналмен толықты. Ол «қырандықтарға» сәттілік алып келгендей. Бірінші ойыннан бастап-ақ қандасымыз қарсыластар қақпасына гол соғып, көзге түсті. Қазіргі таңға дейін Мұраттың еншісінде бес гол бар. Ал Санат Жұмаханов 7 гол соғып, бірінші лигада үздік шабуылшылар тізімінде тұр.
Бірінші айналым аяқталды. Енді тамыздың 2-сі күні ел біріншілігінің екінші кезеңі басталады. «Қыран бірінші ойында «Жетісу-Сұңқар» командасымен кездеседі.
Автор: Сарбиназ Алдабергенова
КПЛ-ға тиімді ставкалар мен арнайы акцияларды FONBET ұсынады – Қазақстандағы ең үздік VIP-бағдарламасы бар букмекер. Жаңа клиенттерге осы сілтемемен, ALADOP промокоды арқылы тіркелгенде, FONBET алғашқы шотты толықтырғаны үшін 200 000 теңгеге дейін бонус береді: http://www.fonbet.kz/s/21Xe9a
