Еуропада жақын арада жаңа ірі футбол турнирі пайда болуы мүмкін, деп хабарлайды Sky Sports.
Газеттің хабарлауынша, қазіргі уақытта Англия, Германия, Испания, Италия және Францияның 10-нан астам клубы, оның ішінде "Ливерпуль" мен "Манчестер Юнайтед" Еуропалық Премьер-Лига деп аталатын турнир құру туралы келіссөздер жүргізуде.
Ұйымдастырушылар турнирді ФИФА-ның қолдауымен 2022 жылы бастауды жоспарлап отыр. Оған 16-18 команда қатысады деп күтілуде. Аталған командалар қазіргі уақытта турнирді қаржыландыратын инвесторлар іздеуде. Лиганы іске қосу үшін 6 миллиард доллар қажет екендігі атап өтілді. JP Morgan банкі қаражат көзі бола алады.
Еуропалық Премьер-Лигаға қатысушылардың әрқайсысына кепілдендірілген 100 миллион доллардан төлеуге уәде беріліп отыр, егер ұйымдастырушылардың ойлары жүзеге асса, турнир Чемпиондар Лигасының деңгейінен де асып кетуі мүмкін. Жобаның тұсаукесері осы айдың соңында өтеді деп жоспарлануда.
