«Ливерпуль» қорғаушылары жарақат алуын жалғастыруда. Sky Sports хабарлағандай, «Ливерпульдің» қорғаушысы Джо Гомес Англия құрамасының жаттығуы кезінде ауыр жарақат алды.
Англия футбол федерациясы бұл оқиғаға қатысты әлі түсініктеме берген жоқ. Бүгін Англия құрамасының бас бапкері Гарет Саутгейт матч алдындағы прес-конференцияға қатысуы керек. Гоместің ұзақ уақытқа қатардан шығуы «Ливерпульге» үлкен соққы болайын деп тұр, ол өткен айда ауыр жарақат алған Вирджил ван Дейктің орнын жоқтатпайды деп күтілген еді.
Юрген Клопптың шәкірттері Премьер-лиганың сегіз турынан кейін 17 ұпай жинап, турнирлік кестеде үшінші орынға тұрақтады.
Біздің серіктес: FONBET
