Магомед Адиев: Біз әлі аяғына нық тұрмаған командамыз

1:0 есебімен аяқталған матчтағы голдың авторы Лечи Садулаев (30-мин). 

"Дәл осындай матчты күткенбіз. Екі күн бұрын қиын кездесу күтіп тұрғанын және жеңіске төзімі жеткен команда жетерін айтқам. Ойын барысында біз үшін қиын сәттердің боларын білдім. Біз әлі аяғына нық тұрмаған командамыз. Бізде кездесу барысында белгілі бір дағдарыс болып тұрады мен оны болжап, қандай жағдай болмасын шашылып қалмау керектігін айттым футболшыларға. Құрылым тұрғысынан дайын болуымыз қажет. Әрбір жеңіс сенімділік береді, сондықтан өте қуаныштымыз",- деді М. Адиев ойын соңында. Естеріңізде болса, Магомед Адиев Грозныйлық клуб пен Қазақстан құрамасын қатар жаттықтырып келеді. РПЛ-ге барғалы бері ресейлік маман  "Ахматпен" екі турда жеңіліс тауып, соңғы екі кездесуде 6 ұпай еншіледі. Грозныйлық команда кеше турнирлік кестеде 12-сатыға көтерілді.