«Ордабасы» ойыншылары әуежайдан ұша алмай қалды

«Ордабасы» футбол клубының баспасөз қызметі хабарлағандай, команда Түркістан қаласынан Қостанайға ауа райының қолайсыздығына байланысты ұша алмай отыр.

Осыған байланысты, Қазақстан Премьер-лигасының 9-тур аясындағы «Тобыл» – «Ордабасы» арасындағы матчтың кейінге шегерілуі мүмкін екені айтылды. Қазіргі таңда клуб пен әуекомпания тарапынан ресми құжаттар күтілуде.

Матчтың жаңа уақыты Қазақстан кәсіпқой футбол лигасының шешімімен қосымша жарияланатын болады.