Алдағы жұмада, яғни 14 маусым күні футболдан Премьер-лига командаларының арасында Қазақстан чемпионатының 15 тур ойындары өтеді деп хабарлайды футбол федерациясының сайты.
Елордада түндігі түрілетін турда «Астана» қарағандылық «Шахтермен» кездеседі. 18:00-де басталатын ойынмен бірдей уақытта Тараз қаласында да кездесу өткізіліп, тараздық футболшылар Шымкенттің «Ордабасымен» ойнайды.
Ал, 19:00-де 15 турдың тағы үш матчы басталады. Павлодарда «Иртыш» оралдық «Ақжайықты» қабылдаса, Талдықорғанда «Жетісу» «Ақтөбемен», Қостанайда «Тобыл» алматылық «Қайратпен» бәсекеге түседі.
Атырауда жергілікті команда өскемендік «Шығыспен» ойын өткізбекші. Матчтың басталу уақыты 19.30-ға белгіленуде.
Естеріңізге сала кетейік, премьер-лигада «Ақтөбе» 33 ұпаймен көш бастап тұр. Екінші орында 29 ұпаймен «Астана» болса, одан кейінгі орынды «Шахтер» (21 ұпай) місе тұтты.
КПЛ-ға тиімді ставкалар мен арнайы акцияларды FONBET ұсынады – Қазақстандағы ең үздік VIP-бағдарламасы бар букмекер. Жаңа клиенттерге осы сілтемемен, ALADOP промокоды арқылы тіркелгенде, FONBET алғашқы шотты толықтырғаны үшін 200 000 теңгеге дейін бонус береді: http://www.fonbet.kz/s/21Xe9a
