ПСЖ-ның спорттық директоры Леонардо жазда келісім-шарттары аяқталатын бірқатар футболшыларды париждік клуб сапында көргісі келеді.
ESPN хабарлағандай, ПСЖ-ның трансферлік мақсатына мына ойыншылар енді: шабуылшылар Лионель Месси ("Барселона") мен Мемфис Депай ("Лион"), жартылай қорғаушы Джорджиньо Вейналдум ("Ливерпуль"), қорғаушылар Давид Алаба ("Бавария") және Эльсеид Хюсай ("Наполи").
ПСЖ "Эвертонның" шабуылшысы Мойзе Киннің де Францияда ойнауын жалғастырғанын қалайды. Леонардо англиялық клубтан жалдау мерзімін ұзартуды сұрауы мүмкін.
Сонымен бірге ПСЖ-ның негізгі мақсаты команданың негізгі ойыншыларын сақтап қалу болып табылады. Париждік клуб Неймар мен Килиан Мбаппе, Анхель Ди Мария, Хуан Бернат, Юлиан Дракслермен келісім-шартты ұзартқысы келеді.
