"Қайрат". Алғашқы кезеңнің қорытындысы

Үлкен өкінішке орай, біздің сүйікті «Қайрат» Премьер-лига командаларының бірінші алтылығына кіре алмады. Соған қарамастан, биылғы маусымда клубта айтарлықтай жақсы өзгерістер орын алды. Мысалға: Алматы қаласынының әкімі Ахметжан Есімовтың шешімімен клубтың бюджеті үлкейтілді, біздің команда қайта жаңартылған «Орталық» стадионға оралды, ойындарға жанкүйерлерді тарту жағынан белсенді жұмыс атқарылуда, жаңадан заманға сай сайт ашылды және инфрақұрылым кеңейтілді. Бұдан басқа «Қайратқа» кезінде 5 жыл ағылшындық «Астон Вилланы» жаттықтырған, білікті бапкер Джон Грегори шақырылды. Оттан кейін түтін шығатындай, спорттағы жетістіктер де инфрақұрылымның жақсартылуынан кейін байқалады. Барлық жаңартулардың нәтижесі ерте ме, кеш пе клубқа жақсы әсер етері сөзсіз, бәлкім келесі жылы «Қайрат» шынында да жүлделі орындар мен ел Кубогына таласатындай дәрежеде ойын көрсетер. Бірақ, бұл маусымның қалған бөлігіне «Қайрат» үмітін үзді деген сөз емес. «Қайрат» жеңіске аш және үнемі өз жанкүйерлерін қуанту үшін сапалы ойын көрсетуге тырысып бағады. «Қайрат» құрамында жүріп алаңда ең ұзақ уақыт өткізген белорустық қорғаушы Павел Кирильчик негізгі құрамда 21рет алаңға шығып, команда сапында 22 кездесуге қатысқан. Барлығын қосқанда ол алаңда 1891 минут ойын уақытын өткізген екен. Ал бірінші айналымда команда мергендері Сергей Струков пен Константин Головской, әрқайсысы 5 голдан соққан. Плеймейкер Шыңғыс Абуғалиев пен жартылайқорғаушы Евгений Климов болса «Қайраттың» ең дөрекі ойыншылары атанды. Олар 6 сары қағазға ие болып, екі жағдайда Шыңғыс қызыл қағаз алып, алаңнан қуылған.