«Қайраттың» чемпиондықты тойлауға арналған салтанатты жиынына Аршавин мен Тимощук келеді

26.11.2020, 17:48
Екі футболшы да «Қайрат» сапында бірнеше жыл бойы доп тепкен.
«Қайраттың» чемпиондықты тойлауға арналған салтанатты жиынына Аршавин мен Тимощук келеді

«Қайраттың» бұрынғы ойыншылары Анатолий Тимощук пен Андрей Аршавин, сондай-ақ әйгілі «КраСава» атымен танымал футбол блогері Евгений Савин алматылық клубтың чемпиондықты тойлау құрметіне арналған салтанатты жиынға келеді, деп хабарлайды KazFootball.kz.

«Мен Қайратқа барамын ба? Ия, мені 27 қарашада банкетке шақырды. Мүмкін мен Алматыға келермін. Тіпті Аршавин мен Тимощук те келетін сияқты, сондықтан көре жатармыз», - деді Савин өзінің Instagram парақшасында.

Еске салайық, «Қайрат» 2020 жылғы маусымда мерзімінен бұрын Қазақстан чемпионы атанды. Бұл алматылық клуб үшін соңғы 16 жылдағы алғашқы чемпиондығы болды.


Сіздің реакцияңыз?
Ұнайды 0
Ұнамайды 0
Күлкілі 0
Масқара 0
Серіктес жаңалықтары
×