Қазақстан құрамасы Украинамен жолдастық кездесу өткізеді

Бұл кездесу 29-шы қаңтарға жоспарланған. Матч Киев маңындағы Бровары қаласында өтеді. Ойынның нақты басталатын уақыты белгісіз. Айта кетейік, бүгінде шағын футболдан Қазақстан құрамасы келер айдың басында Сербияның Белград қаласында басталатын Еуропа біріншілігіне соңғы дайындықтарын өткізуде. Осы оқу-жаттығу жиындары аясында Какау жаттықтыратын біздің құрама Өзбекстанмен екі мәрте кездесіп, екеуінде де 3:1 есебімен жеңіске жеткен болатын.