Швейцарияның Ньон қаласында 19 жасқа дейінгі ұлттық құрамалар арасындағы 2022/23 жылғы Еуропа чемпионатының іріктеу кезеңіне арналған жеребе тарту рәсімі өтті.
Қазақстан (U-19) жасөспірімдер құрамасы жеребе қорытындысы бойынша Франция, Шотландия және Исландиямен бірге сегізінші топта бақ сынайтын болады.
Іріктеу матчтары 2022 жылдың 30 мамыры мен 14 маусымы немесе 19-27 қыркүйек аралығында өтеді.
Турнир ережесіне сәйкес, элиталық кезеңге әр топтан екі команда және үшінші орын алған төрт үздік команда (өз тобының екі көшбасшысымен болған кездесудің нәтижесі бойынша) өтеді.
