«Құдайдың қолы» - менің арманымдағы гол

27.11.2020 21:28 Әлем футболы

Марадона қайтыс боларының алдында Англия қақпасына тағы да гол соққысы келетінін мойындады. Бірақ бұл жолы оң қолмен...

«Құдайдың қолы» - менің арманымдағы гол

1986 жылғы әлем чемпионатының ширек финалындағы Англия құрамасымен кездесу тек аргентиналықтар үшін үлкен рөл ойнады: олар үшін бұл төрт жыл бұрын Фолкленд аралдары үшін күресте қаза тапқандар адамдар үшін кек алатын шайқас болды.

Диего Марадона өзінің «Мен Ди-его» атты кітабында: «Біз үшін бұл футбол командасын жеңуден гөрі, бүкіл елді жеңу дегенді білдірді. Ойын алдында біз бұл жекпе-жектің соғысқа ешқандай қатысы жоқ деп айтқанымызбен, біз үшін бұл кек алудың бір түрі болды», - деп жазды.

Үзілісте командалар голсыз кетті, бірақ ең қызығы екінші таймда орын алды: Аргентина құрамасы сапында алғашқы 45 минутта ең көп мүмкіндік жасаған Марадона төрт минуттың ішінде естен кетпес керемет гол соқты. 100 мыңнан астам жанкүйердің алдында ол екі адамнан басқа бүкіл әлем байқаған нәрсені жасады. Бұл екі адам - бас төреші Али Бин-Насер мен қапталдағы төреші Богдан Дошев.

Қолмен гол соқты. Марадонаның аңызға айналған жаттығуы. Мұны одан басқа ешкім жасаған жоқ! Матчтан кейін Диего бұл голды ішінара Марадонаның басы, жартылай "Құдайдың қолы" соқты деп қалжыңдады.

Көптеген жылдар өткен соң, ол өзінің кітабында «ағылшындарды тонадық» деп мойындады: «Қайдағы «Құдайдың қолы», ол Диегоның қолы еді! Мен ағылшындарды тонағандай болдым... Мен өзім қалайша соншалықты биікке секіргенімді білмеймін. Сол сәтте сол қолымды көтердім, ал қақпашы Петер Шилтон оны байқамай да қалды. Алдымен голдың есептелмеуін талап ете бастаған - Фенвик төрешіге қолмен гол салғанымды көргені үшін емес, қақпашымен болған жекпе-жекте қалай жеңіске жеткенімді түсінбегендіктен шағымданды.

Қапталдағы төреші алаңның ортасына қарай жүгіргенін көргенде, мен қуанышты айқаймен әкем мен қайын атам отырған мінберге қарай ұмтылдым. Ал менің атам баспен ұрғаныма сенімді болып, төмен жақтағы трибунаға қарай ұмтыла бастады.

Мен бұл голды сол қолымды артқа жасырып, төрешілерге қарап тұру арқылы атап өттім, өйткені олар бірдеңеден күдіктенуі мүмкін деп қорықтым. Бақытымызға орай, олай болмады. Басқа ісім болмағаны үшін мен ақымақ болып көріндім. Мен секірдім де, жұдырығымды басымның артына қойдым. Бұл англиялықтарды жылатқан гол болды.

Бір жылдан кейін мен ВВС журналисіне: «Бұл шынымен де таза гол болды, өйткені төреші оны есептеді. Мен оның адалдығына күмән келтіретін адам емеспін», - деп жазды.

Екінші өмірбаянында Диего матчтан кейін Линекермен әңгіме қозғағанын мәлімдеді:

- Сіз неге «Құдайдың қолы» дедіңіз? Линекер маған осындай сұрақ қойды.

- Себебі Құдай бізге қол берді. Бұл голды бірден екі адам байқамағаны ғажап нәрсе: төреші мен қапталдағы лайнсмен. Сондықтан мен "Құдайдың қолы" туралы айттым.

«Мен сізді емес, төреші мен оның көмекшісін кінәлаймын. Бұл менің өмірімдегі қошемет көрсеткім келген келген екінші гол болды...» - деді Линекер.

- Мен осы сөздерден кейін оны сүйгім келді. Себебі, «Құдайдың қолы» - бұл менің арманымдағы және менің түсіме кірген гол».

Төрт минуттан кейін Диего соққан екінші гол одан да керемет болды - бұл ғасырдың ең жақсы голы деп танылды.


Бұл тарихи матч екі төреші үшін де мансабындағы соңғы ойын болды. Болгариялық қазы Богдан Дошев көптеген жылдар өткен соң, Марадонаның өмірін бұзғанын мойындап, аргентиналықты жаман адам деп атады. Диего одан ешқашан кешірім сұрамады, бірақ Али Бин-Насерден 2015 жылы кешірім сұрады.

Жуырда France Football басылымына берген сұхбатында Марадона туған күнінде алғысы келетін сыйлығы туралы: «Мен тағы да Англияға гол салуды армандаймын. Тек енді оң қолыммен», - деген екен.

4 пікір

  1. Пеле

    Пеле

    28.11.2020 17:44

    Ай мадес жаксы жаксы

  2. Ринат

    Ринат

    28.11.2020 14:38

    Диего Марадона

  3. Ринат

    Ринат

    28.11.2020 14:38

    Молодец

  4. Ринат

    Ринат

    28.11.2020 14:38

    Молодец