Бүгін "Қыран" клубы мен жамбылдық "Тараз" жолдастық матч өткізді. Кездесу Түркістан облысының Сайрам ауданындағы "Ұлан" стадионында өтіп, 0:0 есебімен аяқталды. Кездесуде тек жергілікті ойыншылар ғана бой көрсетті.
"Тараз" клубы дәл қазіргі уақытта Шымкент қаласында оқу-жаттығу жиынын өткізуде. Жаттығу жұмыстары 10-23 қаңтар аралығына жоспарланған. Бүгін "Тараз" оқу-жаттығу жиынындағы алғашқы матчын өткізді. Команданы қазақстандық маман Сергей Тагиев жаттықтыруда.
Өз кезегінде "Қыран" клубы да жаттығу жұмыстарын Шымкент қаласында өткізуде. "Қыран" алдағы маусымда Бірінші лигада бақ сынап, Премьер-лига жолдамасына таласатын болады.
