32 жастағы гамбиялық шабуылшы Момоду Сисей мен сербиялық қорғаушы Урош Делич "Қызыл-Жардан" кетті, деп хабарлады клубтың ресми сайты.
Бұған дейін Момоду Сисей "Қайрат" (46 матч, 8 гол) және "Ертіс" (9 матч) командаларында ойнаған. Петропавлдық клуб үшін шабуылшы 2018 жылы және 2019 жылғы маусымының ортасынан бастап ойнады. Жалпы, ол "Қызыл-Жар" сапында 41 матч өткізіп, 11 гол соқты.
Өткен маусымның соңында Сисей жарақат алып, "Қызыл-Жардан" мерзімінен бұрын кетіп қалған еді.
Ал 33 жастағы Урош Делич "Қызыл-Жар" сапын 2018 жылы толықтырған еді. Қорғаушы петропавлдық клуб үшін 58 матч өткізіп, екі голдың авторы атанды.
