УЕФА Чемпиондар лигасының ширек финалының жауапты матчында "Ливерпуль" "Реал Мадридпен" тең ойнады. Кездесу Ливерпульдегі (Англия) "Энфилд" стадионында өтіп, 0:0 есебімен аяқталды.
OptaJose порталы хабарлағандай, "Реал Мадрид" Чемпиондар Лигасының жартылай финалында 14-ші рет ойнағалы жатыр, бұл турнир тарихындағы рекордтық көрсеткіш. Осылайша, мадридтік клуб өзі орнатқан рекордты қайта жаңартты. "Барселона" мен "Бавария" УЕФА Чемпиондар Лигасының жартылай финалында 12 реттен ойнаған.
6 сәуірде Мадридте (Испания) өткен алғашқы кездесуде 3: 1 есебімен "Реал Мадрид" жеңіске жеткен еді. Зинедин Зидан шәкірттері жартылай финалда лондондық "Челсиге" қарсы ойнайтын болады.
