Роналдо: Мессиді командама алу үшін өз қалтамнан ақша төлеймін

Бразилиялық аңыз футболшы, әлем чемпионатының екі дүркін жеңімпазы және көптеген трофейлер иесі – Роналдо өз қалтасынан ақша шығарып Мессиді командасына алғысы келеді. «Мен өз калтамнан тиісті көлемдегі ақшаны Мессиді алу үшін шығаруға дайынмын, тек ол «Форт-Лодердейл Страйкерске» ауысып келсе болды. Бұл трансфер алдағы үш-төрт жылда жасалып қалуы мүмкін. Меніңше әлемдегі ешбір футболшы Оңтүстік Флоридаға келіп өмір сүруге қарсылық білдірмес, мұнда өмір сүру қолайлы», - дейді Роналдо. Естеріңізге сала кетейік, бразилиялық аңыз футболшы американдық «Форт-Лодердейл Страйкерс» командасының кеңес беруші директорлар құрамында және клубтағы бастықтардың бірі.