Бұған дейін Бірінші лигада ойнап жүрген Руслан Есімов алдағы маусымда «Ертістің» намысын қорғайды.
24 жастағы футболшы павлодарлықтармен бір жылдық келісім-шартқа қол қойды. Есімов соңғы жылын «Каспий» сапында өткізген. Бұрын шабуылшы мен орталық қорғаушы қызметін атқарған ол «Ертістің» жиынында қапталдағы қорғаушы позициясында өнер көрсетті.
Екібастұз футболының түлегі Бірінші лигада 170 матч өткізіп, 24 гол соққан.
