«Қайраттың» бас бапкері Алексей Шпилевский алматылықтардың чемпиондыққа деген мүмкіндіктерін бағалады.
- Алдағы чемпионат пен Еуропа лигасындағы матчтардан не күтесіз?
- Біз «Қайсармен» болатын өте қиын кездесуге дайындалып жатырмыз, ол ойын осы сенбіде өтеді. Бұл бізбен терезесі тең команда. Содан кейін біз матчтан матчқа ауысатын боламыз. Барлық ойыншылар аман-есен оралады деп сенемін.
- Денис Поляковтың трансфері туралы не айта аласыз?
- Бұл өте жақсы ауысым болды. Мен бұған өте ризамын. Ол бізге ауыспас бұрын біз онымен жиі хабарласатынбыз. Оның жақсы адамгершілік қасиеттері бар - өте шыншыл, ашық және ақылды жігіт, маған ол өте ұнайды. Бұл біздің команда үшін 100% қосымша күш болып табылады.
- Чемпиондық туралы әңгіме айта берсек бола ма?
- Жоқ, бұл чемпионаттың бастамасы ғана. Мен бұл туралы сөйлескім де, ойлағым да келмейді. Өткен маусымды еске түсіріңіз. 12 турдан кейін бізді есептен шығарып тастады, өйткені чемпионат көшбасшысынан үлкен алшақтық болды, соңында біз қуып жеттік, бірақ ақыр соңында бәрінен айырылып қалдық. Біз күн сайын жаттығамыз. Соңында не болады - көре жатармыз.
- Вагнер 36 жаста, және ол бес матчта көптеген тиімді әрекеттер жасады...
- Вагнер - шебер шабуылшы. Оны командаға аламыз дегенге ешкім күмәнданбады. Біздің күмәнданғанымыз - оның қазір қандай жағдайда екендігі. Осы таңғы жаттығуға сүйене отырып, ол күн сайын жетістікке жетіп жатқанын дәлелдейді. Енді ол физикалық тұрғыдан жоғары деңгейге шығады, біз оны команданың «екінші тынысы» деп атаймыз. Бұл басы ғана!
- Биыл команда ақыры жиналып, сіздің философияңызды түсінді деп айта аламыз ба?
- Әрқашан жақсартуға болатын нәрсе бар. Бұл бір-екі жылдан кейін болады. Біздің бір-бірімізге үйреніп қалғанымыз анық, жігіттер біздің талаптарымызды жақсы түсінеді. Менталитет жағынан бізде өте жақсы команда бар деп бірнеше рет айтқан болатынмын. Олар кез-келген жаттығуда барын салып, бірін-бірі құрметтейді. Футбол - бұл командалық спорт, сондықтан мен мұны түсінгендеріне қуаныштымын. Мен бұған өте қуаныштымын.
Естеріңізге сала кетейік, «Қайрат» 18 ұпаймен чемпионатта «Қайсардан» бес ұпайға және «Астанадан» жеті ұпайға озып келеді.
