Испания чемпионаты аясындағы «Райо Вальеканоға» қарсы кездесуде хет-трик жасаған аргентиналық сұрмерген, тағы да бір рекордты жаңартты. Бұл жолы Месси Испания клубтарында ойнайтын ойыншылар арасындағы ең көп хет-трик жасағандардың көшін бастады.
Месси барлық турнирлерде 32 хет-трик жасап, «Атлетик» клубының аңызға айналған тұлғасы Тельмо Саррадан (31) озды. Үшінші орында, «Реалдың» бұрынғы шабуылшысы Альфредо Ди Стефано (28).
Естеріңізге сала кетейік, Мадридтік «Реалдың» шабуылшысы Криштиану Роналдуда 27 хет-трик.
