"Тобыл" командасының 27 жастағы армениялық қорғаушысы Арман Оганесян "Пюникке" қайта оралды, деп хабарлайды KazFootball.kz.
Арман Оганесян "Тобылға" өткен маусым басталмай тұрып қосылды. Ол қостанайлық клуб сапында тек 3 матч өткізіп, бір сары қағаз алды.
Оганесян өзінің мансабын 2010 жылы "Пюникте" бастаған. Одан кейін "Алашкерт", "Ширак", "Арарат-Армения" және "Гандзасар" клубтарында, сондай-ақ украиналық "Звезда" клубтарында өнер көрсетті.
Еске салайық, "Тобыл" өткен маусымда чеммионатты екінші орынмен аяқтады. Қостанайлық клуб алдағы маусымда УЕФА-ның жаңа турнирі - Конференция лигасында бақ сынайтын болады.
