«Тобыл» «Манчестер Юнайтедтің» бұрынғы ойыншысын қатарға қосты

16.04.2021 22:05 ҚПЛ

Футболшы бір жылдық келісім-шартқа қол қойды.

«Тобыл» «Манчестер Юнайтедтің» бұрынғы ойыншысын қатарға қосты

Қостанайлық "Тобыл" 33 жастағы сербиялық жартылай қорғаушы Зоран Тошичпен келісім-шартқа отырды, деп хабарлайды клубтың баспасөз қызметі. Келісім-шарт осы маусымның соңына дейін есептелген.

Тошич "Партизан", "Манчестер Юнайтед", ЦСКА, "Кёльн" секілді командалардың намысын қорғаған. Ол соңғы кездері өнер көрсеткен қытайлық "Тайчжоу Юаньда" клубы қаржылық мәселелерге байланысты ресми түрде таратылды. Клуб таратылғаннан кейін барлық ойыншылар еркін агент мәртебесін алды.

Тошич қытайлық клубта 2020 жылдың ақпанынан бастап ойнады, 10 матч өткізіп, 3 гол соқты.

1 пікір

  1. Нойер

    Нойер

    18.04.2021 02:20

    Ой оңып турган жок екенсиз.33жас кариго