«Тоттенхэм» ресми сайтында франциялық қорғаушы Клеман Ланглені бір жылға жалдау шарты бойынша алғанын хабарлады.
4 жыл бұрын «Барселона» Ланглені «Севильядан» 36 миллион еуроға сатып алған болатын. Каталониялық клуб жейдесінде орталық қорғаушы 158 кездесу өткізіп, 7 гол соқты. Француз футболшысы «Барселонаның» бас бапкері Хави Эрнандестің жоспарына кірмегендіктен, командасын ауыстыруға мәжбүр болды.
Лангленің Форстер, Перишич, Биссума және Ришарлисоннан кейін «Тоттенхэмге» қосылған бесінші жаңа ойыншы екенін айта кетейік.