УЕФА Ұлттар лигасын шағын әлем чемпионатына айналдыру үшін КОНМЕБОЛ ұйымымен серіктес болуды жоспарлап отыр. Бұл қадамға ФИФА-ның әлем чемпионатын екі жыл сайын өткізу туралы жоспарды мақұлдамауы себеп болып отыр.
Ұлттар лигасына 2024 жылы өзгерістер енгізілуі мүмкін. Оңтүстік Американың алты командасы А лигасына және төртеуі В лигасына қосылады, тараптар алдағы уақытта осы мәселені талқылайтын болады. Барлық кездесулер Еуропада өтеді деп жоспарланған.
Айта кетейік, күні кеше 2022 жылғы Ұлттар лигасының жеребе тарту рәсімі өткен болатын. Аталмыш турнирде 55 команда бақ сынамақ.
