Вагнер Лав өзіне жаңа клуб тапты

21.01.2022 10:50 ҚПЛ

Футболшы мансабын Дания чемпионатында жалғастыруды ұйғарды.

Вагнер Лав өзіне жаңа клуб тапты

«Қайраттың» және Бразилия құрамасының 37 жастағы бұрынғы шабуылшысы Вагнер Лав даниялық «Мидтьюлланн» командасымен келісім-шартқа отырды.

Келісім-шарт алты айға жасалды. 19 нөмірді таңдаған Вагнер Лав осы аптаның соңында жаңа командасындағы жаттығуын бастайды.

37 жастағы Вагнер Лав «Монако», «Бешикташ», ЦСКА және Бразилияның кейбір топ клубтарында өнер көрсеткен. Өткізген 592 матчында 279 гол соғып, 21 титулға қол жеткізген. 

Соңғы бір жарым жыл бойы шабуылшы «Қайрат» сапында ойнап, 57 матчта 27 гол соғып, 20 нәтижелі пас берді. Алматылық клубпен бірге Қазақстан чемпионы атанып, ел кубогін жеңіп алды.

0 пікір