“Манчестер Юнайтедтің” жартылай қорғаушысы Джесси Лингард “Вест Хэмге” маусым соңына дейін жалға ауысты, деп хабарлайды қос клубтың ресми сайттары.
Лингард Англия чемпионатының ағымдағы маусымында “қызыл сойқандар” үшін бірде-бір ойынға қатыспады. Кубоктік ойындарда үш матчқа қатысып, нәтижелілігімен көзге түспеді.
Жалпы “Манчестер Юнайтед” жейдесінде 210 ойынға шығып, 33 рет қақпа торын тулатса, 20 мәрте голдық пас берген.
28 жасар Джессидің жаңа клубы Премьер-лиганың 20 турынан кейін 35 ұпай еншілеп, бесінші орында келеді.
