«Порту» жартылай қорғаушысы Витинья деген лақап атпен танымал Витор Машаду Феррейра «Вулверхэмптонға» ауысты, деп хабарлайды клубтың ресми сайты. «Вулверхэмптон» футболшыны кейін сатып алу мүмкіндігімен 2020/2021 маусымының соңына дейін жалға алды.
«Витинья - бұл маңызды трансфер және біздің жоспарларымыздың ажырамас бөлігі. Ол өте ерекше жас талант. Витинья біздің негізгі командамызды одан әрі дамытады және алға ұмтылғанымызды көрсетеді», - деді клубтың атқарушы директоры Джефф Ши.
20 жастағы Витинья - "Порту" түлегі. Өткен маусымда жартылай қорғаушы Португалия чемпионатының сегіз матчына қатысып (0 - негізгі құрамда), тиімді әрекеттермен көзге түсе алмады.
