Қазақстандық футбол ардагері Юсуп Шадиев Премьер-лиганың 10-туры аясында өткен "Қайсар" - "Астана" (0:1) матчы туралы пікірін білдіріп, шабуылшы Пьерос Сотириу туралы және осы маусымда жоғары орындарға таласатын командаларды атады.
- Юсуп Алаудинұлы, "Қайсар" - "Астана" матчы төрешінің шешімдеріне байланысты көптеген қайшылықтарды тудырды, бұл туралы не айта аласыз?
- Мен теледидардан "Қайсар" - "Астана" матчын көрдім. Содан кейін мен ойынды тағы бірнеше рет қайталап көрдім, мұндай эпизодтар үшін төрешілер пенальти белгілеуі керек. Екі сәтте де доп қақпаға бағытталды, бірақ қолға жанасқаннан кейін доп траекториясын өзгертті. Футболшы ретінде айтатын болсам, Барсегян мен Логвиненконың соққысы жағдайында төреші пенальти беруі керек еді. Екінші таймда, Сотириу құлаған кезде, даулы сәт туындады, мүмкін шабуылшының өзі қорғаушының аяғына сүрінген болар, бірақ бірінші таймда доп екі рет қолға тиді. Халықаралық матчтарды көріңіз, осындай эпизодтарда төреші еш ойланбастан он бір метрлік нүктені көрсетеді.
- Жалпы, сіз "Астананың" ойын дағдарысын немен байланыстырасыз?
- "Астана" жеңіліп жатқанда көп адамдар қуанатын сияқты. Сіз команда қазір қайта құрылып жатқанын, құрамы өзгергенін, жаңа бапкер тағайындалғанын түсінуіңіз керек, бірақ оған үйрену үшін уақыт қажет. Елордалық команда құрамында Сотириу секілді шеберлігі жоғары ойыншылар да бар, ол әлі де көп гол салмады, бірақ әрдайым допты, мүмкіндікті іздейді, және «Қайсармен» болған матчта ол допты қақпаға бағыттады, одан серпілген доп голға айналды. Менің ойымша, "Астананың" басты мәселесі - олар карантин кезінде жаттықпаған, формаларын жоғалтып алған. Меніңше, "Астананың" мүмкіндігі бар. Әлі екінші айналым бар, сондықтан чемпиондық пен медальдар үшін барлық жекпе-жек алда.
- Сіздің ойыңызша, биыл чемпиондық үшін күресте басты фаворит кім?
- "Қайрат", "Астана", "Тобыл", "Ордабасы" - бұл медальдар үшін күресетін клубтар, "Қайсар" мен "Жетісу" да араласуы мүмкін. Маған "Жетісумен" болған матчта "Шахтердің" ойыны қатты ұнады, әсіресе бірінші таймда қарсыластардың стандарттан басқа мүмкіндігі болған жоқ. Әрине, көшбасшы клубтардың ойыншылары жоғары деңгейге ие екендігі түсінікті, бірақ қазір көптеген қызықты матчтар бар, әр ойында сенсациялар орын алып жатыр.
