"Тоттенхэмнің" бас бапкері Жозе Моуриньо Еуропа лигасының 2-ші турында "Антверпен" (1:0) клубымен болған ойын туралы пікір білдірді. Бұл кездесуде Лондондық клуб жеңіліске ұшыраған еді
"Жеңіліске тек бір адам кінәлі, ол мен. Негізгі құрамды таңдаған да мен. Үзіліс кезінде мен жағдайды түзетуге тырыстым. Бірақ бұл жеткіліксіз болды, матч кезінде бір нәрсені өзгерту қиын болды. Ойынның бірінші жартысында жақсы мүмкіндіктер болды, ашық кеңістіктер көп болды. Екінші таймда біз ойынды жақсарттық, бірақ кейін олар мүлдем басқа ойынға көшті. Бұл өте қиын болды. Сайып келгенде, "Антверпен" өздері қалаған нәрсеге қол жеткізді, біз де лайықты түрде жеңілдік.
Бұл әділ нәтиже. Мен оны әрдайым сабырлы түрде қабылдаймын. Ең жақсы команда жеңді, ал нашар команда жеңілді.
Үзіліс кезінде 4 ойыншыны ауыстыру? Мен 11 футболшыны да ауыстырғым келеді. Бірақ мен 5 ауысым да жасамадым, өйткені қалған 45 минутта бір өзгеріс бола ма деп ойладым", - деді Моуриньо.
Еуропа Лигасының топтық кезеңінің 2-турының нәтижелері бойынша "Антверпен" J тобында 6 ұпаймен көш бастады, екінші және үшінші орындарды "Тоттенхэм" мен ЛАСК (3 ұпай) бөлісіп тұр, болгариялық "Лудогорец" (0 ұпай) соңғы орында тұр.
