Мысырлық шабуылшы «Ливерпульдің» тарихында қатарынан 7 маусымда 20 голдан асырып доп соғып жүрген тұңғыш футболшы атанды.
Кеше Салах командасымен бірге Еуропа лигасының ширек финалына шықты. Мерсисайдтықтар «Энфилдте» Праганың «Спартасын» (6:1) тас-талқан ұтқан болатын. Алаң иелерінің сапында Коди Гакпо дубль жасаса, Салах, Нуньес, Собослай, Кларк бір-бір реттен мергендік танытқан. Осылайша, қос ойынның қортындысында Чехиялық клубтан 11:2 есебімен басым түскен «Ливерпуль» енді бүгін кешке өзінің ширек финалдағы қарсыласын білетін болады. Көпшілік, “Ливерпульді” биылғы турнирдегі басты фаворит деседі. Сондай-ақ, ширек финалға «Бенфика» (Португалия), «Вест Хэм Юнайтед» (Англия), «Милан» (Италия), «Марсель» (Франция), «Рома» (Италия), «Аталанта» (Италия) мен «Байер» (Германия) клубтары да шыққан болатын.
