Бразилия құрамасы мен Мадридтік «Реалдың» бұрынғы шабуылшысы Роналдо Еуро-2024 жеңімпазын атады
Дүбірлі додадағы жеңімпаз туралы ойын әйгілі футболшы «Mail Sport Football» YouTube-арнасында айтқан болатын. «Меніңше, Испания», - деген Роналдо «Фурия роханың» биылғы бәсекеде бәсі жоғары боларын жеткізген. Айта кетейік, Еуро-2024 турнирінің финалдық кезеңі Германияда маусымның 14 мен шілденің 14 аралығында өтеді. Жарыс қожайындары турнирге 10 қаланың 10 стадионын даяйындап отыр. Қазіргі Еуропа чемпионы Италия құрамасы. Италиялықтар Еуро-2020 финалында Англиядан басым түскен. Ол кездегі финалдың тағдыры матч соңындағы пенальтилер сериясында шешілген болатын.
