"Арсенал" Чемпиондар лигасының жартылай финалының алғашқы ойынында өз алаңдарында "ПСЖ"-дан жеңіліп қалды. Аңыз шабуылшы Алан Ширер бұл жеңілістің нақты кінәлісін атады.
Ширердің айтуынша, 1:0 есебімен аяқталған алғашқы матчта Томас Партидің болмауы "Арсеналдың” жеңілісінің басты себебі болған. "ПСЖ” сапынан жалғыз голды Усман Дембеле 3-минутта Жоау Невештің пасынан кейін соқты. Бұл гол Арсеналдың финалға шығу мүмкіндігін едәуір қиындатып тұр. Команда 2006 жылдан бері алғаш рет финалға шығуға талпынып жатыр.
Парти бұл кездесуде жоқ болды. Ол ширек финалда "Реал Мадридке" қарсы ойында соңғы минуттарда сары қағаз алып, дисквалификацияға ұшыраған болатын. Оның орнын бас бапкер Микель Артета Микель Мериноны шабуыл шебінен артқа шегеріп, орта алаңға орналастыру арқылы толтыруға тырысты. Ал Деклан Райс Партидің позициясын жауаптанды.
Алайда Алан Ширер бұл өзгерістер сәтсіз болды деп есептейді:
“Үшінші минутта Дембелеге сол доп жетіп барар ма еді, егер Парти алаңда болғанда? Ол сол сәтті алдын ала тоқтатар еді.” — деді ол Prime Video-дағы түсіндірмесінде.
Матчтан кейін Артета командасының алғашқы минуттарда әлсіз болғанын мойындады, бірақ нақты не дұрыс болмағанын ашып айтпады:
“Алғашқы 15-20 минутта біз бір үлкен мәселені байқадық, әсіресе "ПСЖ” ерте гол соққан сәтте. Бұл комбинация өте сапалы болды. Бірақ біз бұл мәселемізді кейін түзеттік. Ойынның қалған бөлігінде біз әлдеқайда жақсы ойнадық. Финалға шығу үшін ерекше бір нәрсе жасау керек. Біз Парижде сондай бір нәрсеге дайын болуымыз керек. Бұл өте нақты, бірақ өте маңызды мәселе. Оны түзету оңай емес, бірақ біз жасауға тырысамыз.” — деді Артета.
Артета сондай-ақ ойын соңында Доннаруммамен бетпе-бет шыққан екі шабуылшы туралы айтып өтті:
“Егер сол сәттерде біз гол соқсақ, бәрі басқаша болар еді. Доннарумма керемет сейвтер жасады. Голымыз есепке алынбады, тағы бірнеше қауіпті сәттеріміз болды, өкінішке орай, жолымыз болмады.”
Біздің серіктес: FONBET
