«Бирмингем» футбол клубының жартылай қорғаушысы Джуд Беллингем «Боруссия Дортмундқа» ауысты. Тараптар ұзақ мерзімді келісімге отырды, оның нақты шарттары көрсетілмеген, деп хабарлайды Германия клубының ресми сайты.
Бұған дейін 17 жасар ағылшындық ойыншы бес жылдық келісімшартқа қол қояды деген ақпарат болған. Беллингемнің трансферлік құны 23 миллион еуроны құрады. Ағылшындық ойыншы осы маусымда "Бирмингемде" барлық жарыстарда 42 ойын өткізіп, үш гол соғып, төрт нәтижелі пас берген.
