УЕФА Чемпиондар лигасының 1/8 кезеңі аясындағы «Наполи» мен «Барселона» арасындағы бірінші матч тең (1:1) аяқталды. Матч Неапольдегі «Сан-Паоло» стадионында өтті.
Ойынның 30-минутында алаң қожайындары сапынан Дрис Мертенс гол салып, есеп ашты. Бұл бельгиялық шабуылшының «Наполи» жейдесіндегі 121-голы болатын. Қазір Дрис клубтың ең үздік сұрмергені словакиялық Марек Гамшекпен теңесті. Келесі гол Мертенстің мерейін асырмақ.
Естеріңізге сала кетейік, Гамшек аталған жетістікті 2017 жылы тіркеген-ді. Ал үшінші орында Диего Марадона (115 гол) тұр.
Жауапты матч 18 наурызда өтеді.
Шамкен БАЙЫРБЕК.
