Лондондық «Челси» 21 ғасырда трансфер нарығында белсенді жұмыс істеген клуб атанды.
Transfermarkt порталының мәліметі бойынша, 21 жыл ішінде «Челси» жаңа ойыншыларды қатарға қосу үшін 2,4 миллиард еуро жұмсаған. Екінші орында тұрған «Манчестер Сити» 2,3 миллиард еуро құртқан екен.
Ойыншыларды сатып алуға ең көп ақша жұмсаған клубтар тізіміндегі үшінші және төртінші орынды екі испаниялық гранд - «Реал» мен «Барселона» бөлісіп тұр (2,2 миллиард еуро). Ал үздік бестікті туриндік «Ювентус» (2,1 миллиард еуро) түйіндеді.
