Санкт-Петербургтік «Зенит» Ресей Премьер-лигасының 20-турында «Уфаны» 2:0 есебімен ұтты.
Қазақстан құрамасының 22 жастағы қорғаушысы Нұралы Әліп матчты қосалқы құрамнан бастап, 78-минутта Венделдің орнына алаңға шықты. Бұл оның Ресей Премьер-лигасында дебюттік ойыны болы.
SofaScore аналитикалық порталы Әліптің бұл матчтағы әрекетін 7,0 ұпаймен бағалады.
20 турдан кейін «Зенит» 44 ұпаймен турнир кестесінде көш бастады. Санкт-Петербургтік клуб келесі ойынын 13 наурызда сырт алаңда «Крылья Советовқа» қарсы өткізеді.
