Шымкенттік «Ордабасы» БАТЭ клубының 23 жастағы жартылай қорғаушысы Шохбоз Умаровпен келісім-шарт жасасты.
Өзбекстандық ойыншы осы маусымның соңына дейін «Ордабасыда» жалдау шарты бойынша өнер көрсетпек. Ол шымкенттік клубтың өтініміне 49-нөмірмен енгізілді.
Умаров - «Пахтакор» командасының түлегі. Ол футболдағы кәсіби мансабын өзбекстандық АГМК клубында бастады.
2020 жылдың ақпан айында еркін агент ретінде «Энергетик-БГУ» командасымен келісім-шартқа отырып, Беларусь еліне қоныс аударды. Сол жылдың жазында БАТЭ оны 18 000 еуроға сатып алып, ойыншыны бірден «Энергетик-БГУ-ға» жалға берді.
БАТЭ-ге қайта оралған Шобхоз 2021 жылғы Беларусь чемпионатындағы ең үздік ойыншылардың бірі атанды. Сол маусымда Умаров 36 матч өткізіп, 6 гол мен 9 нәтижелі пасты өз еншісіне жазды.
Алайда биылғы жылдың басында Умаров БАТЭ клубының бас бапкері Александр Михайловпен жанжалдасып қалды. Сондықтан футболшы осы маусымда Беларусь Премьер-лигасында бірде-бір матчқа қатысқан жоқ.
Тағы бір айта кетерлігі, Умаров Өзбекстан құрамасында 3 кездесу өткізген.
