"Краснодар" командасының жартылай қорғаушысы және Армения ұлттық құрамасының футболшысы Маркос Пиззелли карьерасын "Актөбеде" жалғастырмақ. Бұл жайында footballhd.ru сайты мәлімдеді.
Ел чемпионы 29 жасар футболшыны сатып алу үшін барын салмақшы. Пиззеллиге жоғары сомада ақша ұсыныпты-мыс. "Краснодар" басшылығы келісім беріп отыр, ендігі кезек футболшыда.
Пиззели 2013 жылы жазғы ауысым барысында "Краснодар" клубының ойыншысы атанды. Алайда, бұл командада негізгі құрамға іліге алмай, көп уақытын қосалқы құрамда өткізді. Бар - жоғы 6 ойынға қатысыпты.
Осыған дейін армяндық "Пюник", украиндық "Металлург", еревандық "Арарат", ресейлік "Кубань" және бразилиялық "Сан-Карлуш" клубтарында бағын сынаған.
2008 жылдан бері Армения ұлттық құрамасында 25 ойын өткізіп, 7 голдың авторы атанған.
Абылайхан ЖҰМАШ
КПЛ-ға тиімді ставкалар мен арнайы акцияларды FONBET ұсынады – Қазақстандағы ең үздік VIP-бағдарламасы бар букмекер. Жаңа клиенттерге осы сілтемемен, ALADOP промокоды арқылы тіркелгенде, FONBET алғашқы шотты толықтырғаны үшін 200 000 теңгеге дейін бонус береді: http://www.fonbet.kz/s/21Xe9a
