Қазақстан құрамасының бұрынғы футболшылары әуесқой деңгейдегі турнирде төбелес шығарды, деп хабарлайды «Гол Емес» телеграм арнасы.
Жанжал 35 жастан асқан ойыншылар арасындағы Қазақстан чемпионаты аясындағы «Биосфера» (Қарағанды) - «Первый тренер» (Нұр-Сұлтан) матчы кезінде туындады.
Оған Қазақстан құрамасының және ҚПЛ командаларының бұрынғы ойыншылары қатысты. Атап айтсақ, Эдуард Сергиенко, Мұрат Тілешев, Александр Кислицын, Антон Чичулин, Егор Азовский секілді экс-футболшылар жаға жыртысқан екен.
