Қазақстан (U-21) жастар құрамасында үш ойыншы дебют жасады, деп хабарлайды KazFootball.kz.
Жастар арасындағы Еуропа чемпионатының іріктеу кезеңіндегі Данияға қарсы (0:1) матчта үш ойыншы Қазақстан жастар құрамасындағы алғашқы ойындарын өткізді. Бұл 18 жастағы Өскемен футболының тәрбиеленушісі, «Қайраттың» қорғаушысы Александр Широбоков, 20 жастағы Талдықорған футболының тәрбиеленушісі, «Жетісудың» жартылай қорғаушысы Нұрберген Нұрбол мен 19 жастағы Қарағанды футболының тәрбиеленушісі, «Шахтердің» шабуылшысы Иван Свиридов.
