Роберт Левандовски «Барселонаға» ауысады

16.07.2022 11:28 Ла Лига

Мюнхендік клуб «Барселонаның» ұсынысын қабылдады.

Роберт Левандовски «Барселонаға» ауысады

«Баварияның» шабуылшысы Роберт Левандовски жақын арада «Барселонамен» келісім-шартқа отырады. Белгілі инсайдер Фабрицио Романоның айтуынша, мюнхендіктер каталониялық клубтың ұсынысын қабылдаған.

Левандовски «Барселонамен» үш жылдық келісім-шарт жасасады, ресми ақпарат осы демалыс күндері шығады деп күтілуде. «Бавария» поляк шабуылшысы үшін 50 миллион еуро алады.

Мансабын Испанияда жалғастырғысы келген Роберт «Челси» және ПСЖ-мен келіссөздер жүргізгісі келмеді.

Өткен маусымда Левандовски «Бавария» сапында барлық турнирлерде 46 матчқа қатысып, 50 гол соғып (Бундеслигада 35, Чемпиондар лигасында 13, Германия Суперкубогінде 2), 7 нәтижелі пас берді.

0 пікір