«Тобыл» Чемпиондар лигасының алғашқы іріктеу кезеңіндегі жауапты матчта «Ференцварошпен» кездесті. Будапешт қаласындағы «Групама Арена» стадионында өткен кездесу 5:1 есебімен аяқталды.
Ойынның 4-минутында есеп ашқан Адама Траоре көп ұзамай дубль авторы атанды. Ал 21-минутта Айсса Ляйдуни матчтағы үшінші голды соқты. Араға екі минут салып Игорь Сергеев Зоран Тошичтің пасынан кейін есеп айырмасын қысқартты. Дегенмен алаңға қосалқы құрамнан шыққан Форчун Бэсси 74 және 92-минуттарда Мокин қақпасынан саңылау тапты. Ал 68-минутта ойынға қосылған «Тобыл» капитаны Серікжан Мужиков 81-минутта екінші сары қағазын алып, алаңнан қуылды.
Чемпиондар лигасынан ұшып кеткен қостанайлық клуб енді Конференция лигасының екінші іріктеу кезеңінде Гибралтар елінің өкілі - «Линкольн Ред Импс» командасымен кездеседі
Чемпиондар лигасы, бірінші іріктеу кезеңі, жауапты ойын
«Ференцварош» (Будапешт, Венгрия) – «Тобыл» – 5:1 (жалпы есеп – 5:1)
«Ференцварош»: Денеш Дибус (қ) (к) – Элдар Чивич, Аднан Ковачевич (Матс Кнустер 83), Сами Ммаэ, Хенри Уинго – Андерсон Эсити (Стьепан Лончар 75), Айсса Ляйдуни, Кристофер Захариассен (Ксавье Мерсье 83) – Адама Траоре, Токмак Нгуен (Карлос Ауски 68), Франк Боли (Форчун Бэсси 68);
«Тобыл»: Александр Мокин (қ) – Алекса Аманович, Жарко Томашевич, Сергей Малый, Бағдат Қайыров – Душан Йованчич, Асхат Тағыберген (к), Самат Жарынбетов (Серікжан Мужиков 68) – Рубен Бриджидо (Мильян Вукадинович 75), Зоран Тошич (Айбар Жақсылықов 78), Игорь Сергеев (Серж Дебле 75);
