Британдық журналист және "Челси" жанкүйері Уилл Рейнер Лондондық ұжым жазғы трансферлік терезе жабылғанға дейін қай ойыншылардан босауы керек екені туралы пікір білдірді, деп хабарлайды Aladop.kz.
Оның Х әлеуметтік желісінде жариялаған тізімінде Қазақстан құрамасының 17 жастағы шабуылшысы Дастан Сатпаев та бар. Журналист Сатпаевтың тұсына жалға беру деген нұсқаны көрсеткен.
Сатпаев ресми түрде "Челси" ойыншысы мәртебесін 12 тамызда, кәмелетке толғаннан кейін ғана алады. Дегенмен, қазірдің өзінде сарапшылар оған үлкен үміт артып, оны жаңа маусымда клубтың басты жаңалығы болады деп болжап отыр.
