Мәскеулік ЦСКА бас бапкерінің көмекшісі Григорий Бабаян команданың алға қойған мақсат-міндеттері туралы айтып, маусым басындағы ойындары жайлы пікір білдірді:
- Алексей Владимирович командада сіздің стандартты жағдайларға да жауапты екеніңізді айтты. Өкінішке орай, соңғы жылдары ЦСКА командасы бұл салада табысқа жете алмады. Бірақ осы маусымда ЦСКА «Уфаға» бұрыштама добынан кейін, ал «Локомотивке» қарсы матчта тікелей айып добынан гол соқты.
- Бұл шын мәнінде менің жауапкершілігімде, бірақ біздің барлық қызметкерлеріміз стандартты жағдайлардың сапасын жақсарту үшін жұмыс істейді деп айтқаным дұрыс болар еді. Дәл сол сарапшылар маңызды жұмыстар атқаруда. Бізде біреу бәріне жауап береді деген жоқ. Біз топпен жұмыс жасаймыз, бір-бірімізді толықтырамыз.
Әрине, біз айып добы мен бұрыштамаларға ерекше назар аударамыз. Көптеген жұмыс жүріп жатыр, бірақ оның сапалы болуы үшін біраз уақыт қажет. Біз қолда бар нәрсені барынша пайдалануға тырысамыз. ЦСКА-да баспен жақсы ойнайтын және стандарт кезінде позицияны қалай дұрыс таңдау керектігін білетін ойыншылар бар.
- Команда туралы алғашқы әсеріңіз өзіңіз күткендей болды ма?
- Әрине, мен бұл команданың құрамын бұрын білетінмін. Бізде жастар көп, бірақ бізде тәжірибелі ойыншылар да бар - Марио Фернандес, Алан Дзагоев, Кирилл Набабкин, Георгий Щенников. Игорь Акинфеевті ерекше атап өтуге болады. Бұл соңғы жылдардағы ең жақсы қақпашы ғана емес, ол - нағыз аңыз, командада атмосфера қалыптастыратын, серіктестеріне көп нәрсе беретін адам. Игорь - ЦСКА капитаны, көшбасшысы және таптырмайтын адам.
- Маусымның алғашқы кездесулерінде команда әр түрлі ойын өрнегін көрсетті. Екінші таймда «Уфа» мен «Локомотивке» қарсы шабуылдаушы футболды көрдік, бірақ кейде бар тізгінді қарсыласқа беріп, жеткілікті түрде қорғанысқа жатты. Мысал ретінде ЦСКА «Динамомен» болған ойынды жақсы бастап, есепті тез ашқанымен, бірақ екінші таймда сәтсіз ойнады. Мұны қалай түсіндіруге болады?
- Біріншіден, сіз мүлде басқа талаптары бар жаңа жаттықтырушылар штабы келгенін түсінуіңіз керек және команданың оларға бейімделуіне уақыт қажет. Әзірге бәрі шынымен де ойдағыдай емес. «Уфа» және «Локомотивпен» болған матчтарда өте төмен түсіп, қорғанамыз деген ниет болған жоқ. Үзіліс кезінде біз түзетулер енгіздік, схема бойынша ойыншыларды қайта жасақтадық, ал екінші таймда ЦСКА агрессивті түрде ойнады. Нәтижесінде қарсыластар қақпасына гол соғатын мүмкіндіктер пайда болды.
Бейімделу жүріп жатыр. Ұмытпаңыз, оқу-жаттығу жиынында біз оңтайлы құраммен бірде-бір матч өткізе алмадық. Ойыншылар ұлттық құрамаға тартылды, кейбіреуі жарақатына байланысты матчтарға қатыса алмады. Команда міндетті түрде жақсы ойнайтын болады, оған уақыт қажет.
