«Барселона» бас бапкері Хосеп Гвардиола Чемпиондар лигасының 1/8 финалында леверкузендік «Байермен» болатын ойында өз шәкірттеріне немқұрайлы болмауларын айтты.
«Біз жақсы ойын өрнегін көрсетуге тырысамыз. Қорғаныста ойнауға болмайды. Қолымыздан келгенше қарсыласты жеңіп, келесі кезеңге шығуымыз керек.
Немістің кез-келген командасы секілді, «Байер» де ешқашан өліспей беріспейді. Ойын барысында бірнеше гол салып, мәселе шешілді деп отырсаң, олар болса жоқ жерден шабуылдар жасап, біздің тас-қамал қорғанысты бұзып жарып жатады. Сол себепті бұл ойынға немқұрайлы қарауға болмайды. Чемпиондар лигасы – керемет турнир және біз орта жолда қалғымыз келмейді – деп «Барселонаның» ресми сайтына мәлімдеме жасады бас маман.
Барселона – Байер ойыны бүгін түнде «Камп Ноу» стадионында өтеді. Деректерге сүйенсек, 98 мыңдық стадион жанкүйерлерге толы болады деп есептелінуде.
Руслан Бақытжан
